XX стагоддзе ў гісторыі чалавецтва стала эпохай імклівага прамысловага прагрэсу, калі вядучыя краіны ў пагоні за эканамічнымі выгодамі развівалі вытворчасць часта ў пагібельных для навакольнага асяроддзя маштабах. Да пачатку 1970-х стала ясна, што працягваць гэтак далей — гэта згубны шлях для ўсёй чалавечай супольнасці. Наступствы спажывецкага, а часта проста драпежніцкіх адносін да рэсурсаў нашай планеты сталі відавочныя для большасці цывілізаваных дзяржаў.
У 1971 годзе больш за дзве тысячы чалавек, сярод якіх былі вядомыя палітыкі, навукоўцы, медыкі, журналісты і пісьмен-нікі з 23 дзяржаў, падпісалі накіраваны ў ААН зварот, які заклікае скарэктаваць вектар развіцця навукова-тэхнічнага прагрэсу.
Гэты зварот абмяркоўваўся на Стакгольмскай канферэнцыі, і па выніках дыскусій была распрацавана глабальная стратэгія аховы прыроды і мінімізацыі пагібельнага ўздзе-яння на яе з боку чалавека. Менавіта тады была пакладзена традыцыя скарачэння шкодных вытворчасцей і ўкаранення больш экалагічных тэхналогій, пачалася распрацоўка спосабаў інтэлектуальнай утылізацыі адходаў і многае іншае.
У наш час у развітых краінах кантроль за шкоднымі выкідамі прадпрыемстваў, раздзельная ўтылізацыя смецця, пераход на экалагічнае паліва для транспарту сталі неад’емнай часткай грамадскага жыцця. Эколагі ўвесь час вядуць працу ў гэтым кірунку і не стамляюцца падкрэсліваць, што толькі пастаянная прапаганда экалагічнага мыслення, пазітыўныя прыклады і правільная асветніцкая праца могуць прывесці да глабальных вынікаў. Шчыры клопат аб прыродзе павінен выхоўвацца ў чалавеку з самага ранняга ўзросту і на працягу ўсяго жыцця. Сусветны дзень навакольнага асяроддзя закліканы дапамагчы ўкараніць гэтую звычку ў кожным жыхары планеты.
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Ірына Бутурля.
