Філіял аг. Суботнікі Іўеўскага цэнтра культуры і вольнага часу далучыўся да раённага культурнага фотачэленджа «Жанчына — творца культуры Іўеўшчыны», які праходзіць у межах Года беларускай жанчыны.
У рамках праекта была арганізавана выстава «Свет маіх захапленняў», удзельніцай якой стала бібліятэкар бібліятэкі-філіяла аг. Суботнікі Святлана Мікалаеўна Іванова. На выставе яна прадставіла творчыя работы, выкананыя ў розных тэхніках і з розных матэрыялаў.
Святлана Іванова паспяхова спалучае прафесійную дзейнасць з актыўным удзелам у культурным жыцці аграгарадка. Яна заўсёды падтрымлівае мерапрыемствы, якія ладзіць філіял, і ахвотна дапамагае работнікам культуры.
Стараннасць, цярпенне і багатая фантазія дазваляюць ёй ствараць арыгінальныя вырабы. Адным з яе захапленняў стала і сучасная алмазная мазаіка, якая дорыць натхненне і дапамагае цікава праводзіць вольны час.
Работы майстрыцы прыцягваюць увагу не толькі жыхароў Суботнікаў, але і гасцей аграгарадка. А сама Святлана Мікалаеўна добра вядомая як чалавек, які лёгка знаходзіць агульную мову з наведвальнікамі бібліятэкі, заўсёды гатовы прыйсці на дапамогу і шчыра дзеліцца сваёй творчасцю з іншымі.
Будьте в курсе главных событий Ивьевщины! Новости, фото, интересные истории — всё самое важное в одном месте. Подписывайтесь: telegram.me/ivyenews
Па інфармацыі t.me/rdk_iv
