У мінулыя выхадныя асабістае свята творчы калектыў Іўеўскага цэнтра культуры і вольнага часу арганізаваў для жыхароў дамоў № 28 і № 33 па вуліцы Маладзёжнай г. Іўе. І зразумела, і прыгожа гучыць яго назва — «Добры дзень, суседзі!».
Адкрыла свята намеснік старшыні Іўеўскага райвыканкама Лідзія Вайцехаўна Носуль. У сваім прывітанні яна адзначыла, што ўжо стала добрай традыцыяй правядзенне святаў дамоў і вуліц нашага любімага горада Іўе ў летні перыяд, і пажадала святочнага настрою і жыццёвага задору ўсім яго ўдзельнікам і гледачам.
Мерапрыемства было насычана мноствам разнастайных цікавых момантаў. Шыкоўныя нумары канцэртнай праграмы падрыхтавалі салісты Іўеўскага цэнтра культуры і вольнага часу і г.Шчучына. І, трэба адзначыць, што добрае надвор’е — рэдкае для гэтага лета — спрыяла ў той суботні вечар сустрэчы пад адкрытым небам.
А напярадні і самы жыхары постараліся, каб было весела і па-святочнаму прыгожа навокал. Яны з энтузіязмам прынялі актыўны ўдзел у конкурсе па святочным афармленні пад’ездаў. Нягледзячы на крэатыў, які праявілі ўсе удзельнікі, перамогу ўсё ж журы аддало жыхарам пад’езду № 1 дома № 33.
Свята прадоўжылася танцавальна-забаўляльнай праграмай і спартыўнымі спаборніцтвамі: спартландыяй «Тата, мама і я — спартыўная сям’я», міні-футболам і армрэслінгам.
Для гледачоў працавалі дзіцячыя атракцыёны і выстава-продаж сувенірнай прадукцыі аддзела рамёстваў і традыцыйнай культуры.
