Іўеўская раённая бібліятэка стала адной з кропак маршруту абласнога семінара “Папулярызацыя кнігі і чытання: эфектыўныя шляхі і сучасныя падыходы”, які быў арганізаваны ўпраўленнем культуры Гродзенскага аблвыканкама, Нацыянальнай бібліятэкай Беларусі і Гродзенскай абласной навуковай бібліятэкай імя Я.Ф. Карскага.
Удзельнікі мерапрыемства пазнаёміліся з праектнай дзейнасцю Іўеўскай раённай бібліятэкі. Намеснік дырэктара ўстановы Эдзіта Казачэнка адзначыла, што праектная дзейнасць гэта адзін з самых эфектыўных метадаў па папулярызацыі кнігачытання. Каб павысіць якасць гэтай работы, забяспечыць яе мэтанакіраванасць і сістэматычнасць, зацікавіць дзяцей нацыянальнай літаратурай, гісторыяй і культурай, быў распрацаваны і рэалізаваны праект “Беларускі чацвер”.
–Пры падрыхтоўцы і правядзенні мерапрыемстваў у рамках праекта выкарыстоўваліся цікавыя і падчас унікальныя краязнаўчыя матэрыялы. Каб дзеці былі актыўнымі ўдзельнікамі, ужываліся інтэрактыўныя формы работы. Бо задачай бібліятэкараў было не столькі даць падрыхтаваную інфармацыю, колькі захапіць падлеткаў агульнай справай і зацікавіць тэмай, – сказала Эдзіта Казачэнка.
Яна таксама дадала, што на працягу 2024-2025 гадоў Іўеўская раённая бібліятэка паспяхова рэалізоўвае новы грамадска-патрыятычны праект “КЛАСныя сустрэчы ў бібліятэцы”. Канцэпцыя праекта заключаецца ў тым, што адзін раз у месяц сумесна з гімназіяй №1 г.Іўе, класная гадзіна праходзіць у бібліятэцы. Мэта праекта: знаёмства падрастаючага пакалення з гісторыяй і культурай Беларусі, патрыятычнае выхаванне. Пад час мерапрыемстваў праходзяць сустрэчы з кіраўнікамі мясцовай улады, з грамадскімі дзеячамі раёна і іншыя цікавыя сустрэчы.
–Адно з апошніх разам з удзельнікамі праекта мы рыхтавалі мерапрыемства да Дня Перамогі. Гэта быў вечар-памяці аднаго з ветэранаў нашага раёна, на якім перадавалі згубленую медаль “За адвагу” родным. На мерапрыемстве прысутнічалі дочкі, унукі, праўнукі ветэрана, – сказала намеснік дырэктара ўстановы.
Загадчык аддзела абслугоўвання і інфармацыі Таісія Грыкень пра дзейнасць мабільнай бібліятэкі на колах, якая абслугоўвае чытачоў аддаленных вёсак, дзе адсутнічаюць стацыянарныя бібіліятэкі.
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Ірына Бутурля.
Станіслаў Зянкевіч (фота).
