Гэты год аб’яўлены ў нашай краіне Годам якасці. У сучасным даволі хуткасна-імклівым жыцці мы не паспяваем падчас нават задумацца, што паняцце “якасць” – глыбокае, шматграннае. Несумненна, гэты год яшчэ раз пераканаўча падкрэсліць, што ёсць шматлікія магчымасці ў кожнага прадпрыемства актыўна і скрупулёзна развівацца ў інавацыйнай сферы. Бо ХХІ стагоддзю патрэбны канкурэнтаздольныя прадукты, тавары, праграмы, вынаходніцтвы і г.д.
Зразумела, што знак якасці заўтра будзе прысвойвацца найперш харчовым таварам, таварам народнага спажывання, прадукцыі вытворча-тэхнічнага прызначэння. І каб атрымаць айчынны знак якасці, прадпрыемствы Беларусі павінны і надалей не проста выпускаць якасную, адпаведную лепшым аналагам прадукцыю, але і валодаць бяспечным, экалагічным, інавацыйным, тэхналагічным і эстэтычным патэнцыялам, звышсучаснай вытворчасцю.
Што тычыцца прысуджэння новай узнагароды, то можна з упэўненасцю сказаць, што за яе прыйдзецца сур’ёзна пазмагацца. Статус для Дзяржаўнага знака якасці абяцаюць ужо сёння самы высокі, атрымаць яго будзе цяжка, але вельмі прэстыжна. У ліку намінантаў могуць быць як буйныя прадпрыемствы з багатай гісторыяй, так і маладыя, з новай прадукцыяй.
Год якасці можа стаць сап-раўдным залогам поспеху сацыяльна-эканамічнага развіцця Беларусі. Зразумела, што кожны з нас адначасова з’яўляецца не толькі спажыўцом, але і стваральнікам якасці. Ад таго, наколькі якасным будзе наша ўсеагульнае і прыватнае стаўленне да працы, да таго, што і як мы будзем ажыццяўляць на сваім працоўным месцы, залежыць канкурэнтаздольнасць айчынных тавараў, паслуг, а значыць – узровень дабрабыту краіны ў цэлым і кожнага з нас.
Мы прыйшлі да такой сітуацыі, калі трэба падымацца на прыступкі ўсё вышэй і вышэй. Нас ціснуць з усіх бакоў, лягчэй не будзе, гэта аб’ектыўна. Нам ні ў якім разе нельга спыняцца: калі спынімся, пачнецца тармажэнне, як у нашай гісторыі ўжо было. Падкрэслю, што якасць — найважнейшы прыярытэт у палітыцы нашай краіны.Дасягненне высокай якасці беларускай прадукцыі — вызначальны фактар паспяховага прасоўвання айчынных тавараў на знешніх рынках, а значыць – умацаванне нацыянальнай эканомікі, нацыянальнай бяспекі.
Мяне як грамадзяніна Беларусі радуе, што пастаянна расце экспарт беларускіх тавараў і паслуг, павялічваецца пазнавальнасць нашага нацыянальнага брэнда “зроблена ў Беларусі”, які прадстаўлены больш чым у 160 краінах. Пастаянна расце і геаграфія нашых паставак.
Пра многае кажуць і лічбы статыстыкі. Пра якасць жыцця ў Беларусі сведчыць, напрыклад, і тая колькасць турыстаў, што наведваюць нашу сінявокую старонку: летась у нас пабывалі звыш 1,6 млн чалавек са 173 краін.
Запатрабаваныя сярод замежнікаў не толькі славутасці нашай Бацькаўшчыны: да нас едуць лячыцца (у 2023 годзе 123 тысячам грамадзян са 149 краін аказаны медыцынскія паслугі). Да нас едуць вучыцца (25 тыс. студэнтаў з больш чым 100 краін атрымліваюць у нас адукацыю).
Якасць працы, строгае захаванне тэхналагічнай дысцыпліны з’яўляюцца найпершаснымі ўмовамі павышэння нашага дабрабыту. Прычым дзяліцца дасягненнямі айчыннай эканомікі мы гатовы з усімі, хто бачыць у Беларусі партнёра. Мы павінны фарміраваць пачуццё асабістай адказнасці за вынік працы. Кожны павінен разумець простую ісціну — добрасумленнае выкананне сваіх абавязкаў з’яўляецца ключавой умовай дасягнення агульнага поспеху, павышэння матывацыі працы.
Тут дарэчы мы можам выкарыстоўваць і савецкую спадчыну і вопыт (спаборніцтвы, рацыяналізатарства, настаўніцтва, меры маральнага і матэрыяльнага стымулявання і інш.).
Мы павінны падтрымліваць здаровы і спрыяльны маральна-псіхалагічны клімат ў працоўных калектывах, без якога немагчыма фарміраванне дачынення да вынікаў агульнай працы.
Кожны з нас павінен ўсведамляць, што дабрабыт краіны, ад якога залежыць і асабістая задаволенасць якасцю жыцця, перш за ўсё забяспечваецца эфектыўнасцю вучобы, працы, службы кожнага з нас.
І не забывайце: рэклама можа прымусіць купіць няякасны тавар, аднак толькі адзін раз.
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Канстанцін КАРНЯЛЮК.
