Учреждение "Редакция газеты "Iўеўскі край"



Культурнае лета. Святкавалі кветкі

Культура и творчество / Четверг, 23 июля 2020 10:01 / Прочитано: 236

Улетку звіняць сцэны і канцэртныя пляцоўкі  выступленнямі і разнастайнымі творчымі праектамі  культработнікаў раёна. Яны ў нас асаблівыя. Кожнае свята, кожны праект - гэта плённы пошук, гэта сімвалічнае жаданне зняць з неба сонца і падарыць яго людзям, узняць ім настрой, аблегчыць  зморанасць ад цяжкай летняй работы на вёсцы.

У кожным аграгарадку святкуюць сваё, асаблівае. Хто пяе гімны сенакосам, хто  адпраўляецца на шляхетны фэст у Жамыслаўль, геранёнцы  заклікаюць на баль да да самой Барбары Раддзівіл, морынцы частуць юшкай, адзначаючы свята залатой рыбкі… А ў Лаздунах ужо колькі год запар  ушаноўваюць прыгажосць, цнатлівасць, шыкоўнае чараўніцтва кветак: ад самых сціплых, што растуць на палетках і лугах, ля дарогі - да самых шыкоўных, якія ганарова свецяць прыгажосцю ў гародчыках і на падворках. 

І штогод  з'язджаюцца ў парк былога маёнтка ў Лаздунах кветкі з усіх устаноў культуры аграгарадкоў раёна. 

Сёлета, на жаль, такого вялікага збору гасцей і ўдзельнікаў не атрымалася. Аднак, нездарма ж менавіта тут нарадзілася такое прыгожае свята. Таму ёсць і свае традыцыя, і напрацоўкі святочнага дзейства. Вось і заклікалі сваіх землякоў мясцовыя культработнікі ў мінулу нядзелю, каб разам святкаваць.

…Ці патрэбна казаць, што кветкі (і жывыя, і касцюміраваныя) зіхацелі з кожнага кутка парка, запаўняючы ўсё наўкол колерамі, фарбамі і водарам. Асноўныя кветкавыя ролі сёлета выконвалі дзеці -  удзельнікі гурткоў і творчых аб'яднанняў аддзела культурна-масавай і асветніцкай работы аграгарадка Лаздуны.  

Патрэбна адзначыць, што вяскоўцы,  а таксама іх дзеці і ўнукі з іншых месц Беларусі, з задавальненнем прыходзяць на гэтае свята. І з не меншымі захапленнем і ахвотай яшчэ і прымаюць удзел у ім. Таму што кветкі ў Лаздунах любяць усе. І не толькі любяць, але і  вырошчваюць, с любоўю даглядаюць, каб затым пахваліцца перад суседзямі  ды й удзел прыняць у конкурсе  на свяце. 

Але пра тое крышку пазней. А зараз раскажам, як праходзіў "Кветкавы калейдаскоп".  Такую назву носіць гэтае свята. Пачалося яно з конкурснай праграмы "Міс Кветачка". У праграму конкурсу ўваходзіла дэфіле і прадстаўленне касцюмаў. А таксама журы дэгусціравала розныя смачнасці на конкурсе кулінарных шэдэўраў.  

Канкурсанткамі сталі Сафія Пісарэнка і яе мама Анастасія Пісарэнка; Сафія Жэлдак і яе мама Надзея Жэлдак; Елізавета Завадская і яе бабуля Галіна Іванаўна Завадская.

Жюры вырашыла, што званне "Міс Кветачка" можна даваць кожнай дзяўчынцы. Таму перамагло сяброўства. Кожная ўдзельніца атрымала падарунак і агульны на ўсіх смачны торт. Дарослыя таксама былі ўзнагароджаны салодкімі  падарункамі. 

Як заўжды, называліся лепшыя кветкаводы і садаводы-агароднікі. Сёлета пераможцамі сталі: Галіна Леанідаўна Тулько, Анатоль Пятровіч Буцько, Тамара Іосіфаўна Зелень, а лепшымі садаводамі і агароднікамі  прызнаны Ірына Аляксандраўна і Валерый Іванавіч Янкевічы. Усе пераможцы атрымалі дыпломы і падарункі.

Канцэрт "Кветкавы настрой" дарылі святу творчыя калектывы і выканаўцы аграгарадка Вішнева Валожынскага раёна.

На пляцоўцы свята працавалі тэматычныя выставы, фэйс-арт, бяспройгрышная латарэя, забаўляльны атракцыён, гандаль.

В. ГУЛІДАВА.

Фота з архіва культурнай установы.

Читайте ещё:



Оставить комментарий

Ваше имя
Ваше сообщение
 
 

 

Считаете ли Вы, движение студенческих отрядов популярным?
Какой профиль студенческих отрядов Вы считаете самым популярным?
Выберите на свой взгляд плюсы студенческих отрядов, из предложенных

Способы оплаты

Наши соцсети

PDF-рассылка

Уважаемые читатели газеты «Іўеўскі край»!

Вы можете подписаться на электронную версию нашей газеты, представленную в PDF-формате. Газета будет высылаться на указанный вами адрес электронной почты  по вторникам и пятницам накануне выхода в печать. Подписаться можно, начиная с любой даты. Будьте первыми в курсе свежих новостей Ивьевщины!

СТОИМОСТЬ ЭЛЕКТРОННОЙ ПОДПИСКИ:

– на месяц – 2 руб.;
– на три месяца – 6 руб.; 
– на шесть месяцев – 12 руб.

Подробнее

Наши контакты

р/с № BY47BAPB30152768600140000000

ОАО "Белагропромбанк", г.Минск.
 Код BAPBBY2X,

УНН 500051130.

E-mail: pressa.ik@gmail.com

Тел/факс: (01595) 2-23-92

Наш адрес:
231337, Гродненская обл., г. Ивье,
ул. 1 Мая, 18

Ссылки


Ивьевский районный исполнительный комитет

 

 

Please publish modules in offcanvas position.