Учреждение "Редакция газеты "Iўеўскі край"

Язык:

Экскурс у мінулае: невядомая капліца ў Іўі

Культура и творчество

Каплічкі, невялічкія культавыя пабудовы, якія стаяць пры ўездзе ў населеныя пункты, заўсёды дапаўнялі і дапаўняюць беларускі краявід. І наша іўеўская зямля не выключэнне. Найбольш вядомыя каплічкі ў Ліпнішках, Геранёнах, Жамыслаўлі, Ганчарах, Суражы, Квяткоўцах, Чарнэлях. Усе яны датуюцца канцом ХІХ - пачаткам ХХ стагоддзяў. Яны і сёння спыняюць на сабе позірк кожнага падарожнага, нагадваюць, што, акрамя матэрыяльных каштоўнасцей, ёсць і духоўныя. Узводзячы гэтыя культавыя пабудовы, нашы продкі такім чынам выказвалі сваю любоў і ўдзячнасць Богу за апеку над імі, над ўсім пасяленнем.
Але, амаль ніхто не ведае, што і наша Іўе таксама мела падобную капліцу. Упершыню пра існаванне прыдарожнай капліцы ў Іўі даведалася з успамінаў былога жыхара Іўя Канстанціна Юрэвіча, 1930 г. нараджэння. Яны захоўваюцца ў фондах нашага музея: "Пры вуліцы Віленскай (цяпер 1 Мая) стаяла невялікая мураваная каплічка з фігурай Пана Езуса".

У інвентары рымска-каталіцкай парафіі Іўя ад 9 снежня 1930 года, складзеным ксяндзом Ільдэфонсам Бобічам, пасля яго ўступлення ў кананічнае валоданне, сярод пераліку парафіяльных капліц ёсць звесткі і аб прыдарожнай мураванай капліцы, што стаяла на канцы мястэчка пры развілцы дарог на Ліпнішкі і Суботнікі. Толькі Бобіч у апісанні зазначае, што капліца "змяшчае крыж з фігурай Збаўцы".

Карэнная жыхарка Іўя Рэгіна Ігнатаўна Давідовіч, якая пражывае па вуліцы 1 Мая, памятае гэтую каплічку. Дзякуючы ўспамінам жанчыны, мы паспрабавалі ўзнавіць яе выгляд. Гэта была адкрытая слупковая каплі-ца. Пастамент быў з бутавага каменя. На ім ўзвышалася фігура прыкленчанага Хрыста з крыжам на плячах. Менавіта такая постаць нашага Збаўцы была красамоўным знакам для спрацаванага селяніна ў тым, што ўсе цяжкасці і пакуты акупяцца ўваскрасеннем. Згодна ўспамінам Рэгіны Ігнатаўны, яна стаяла на развілцы дарог на Ліпнішкі і Урцішкі, а за ёй яшчэ хаты тры.
На чые сродкі была пабудавана капліца, калі? Гэта, на жаль, невядома. Няма звестак не аб фундатары, не аб будаўніках. Шкада, што і яна сама не захавалася да сённяшняга дня. У час атэізму знішчана частка гісторыі нашага Іўя, сведчанне мінулага для наступных пакаленняў.

Матэрыял падрыхтавала М.Пазняк, старшы навуковы супрацоўнік Іўеўскага музея нацыянальных культур.

Малюнкі Сяліма Ільясевіча, выкладчыка мастацкага аддзялення ДШМ.

Читайте ещё:



Оставить комментарий

Ваше имя
Ваше сообщение
 
 
 
 
 
 
 
 
 
 
 
 
 

 

 

Что вы любите кушать на завтрак?

Предложить свою новость

Предложите нам свою новость.
Возможно, мы её опубликуем.

Заполните все поля, отмеченные символом *

Наши соцсети

Способы оплаты

PDF-рассылка

Уважаемые читатели газеты «Іўеўскі край»!

Вы можете подписаться на электронную версию нашей газеты, представленную в PDF-формате. Газета будет высылаться на указанный вами адрес электронной почты  по вторникам и пятницам накануне выхода в печать. Подписаться можно, начиная с любой даты. Будьте первыми в курсе свежих новостей Ивьевщины!

СТОИМОСТЬ ЭЛЕКТРОННОЙ ПОДПИСКИ:

– на месяц – 3 руб.;
– на три месяца – 9 руб.; 
– на шесть месяцев – 18 руб.

Подробнее

Наши контакты

р/с № BY47BAPB30152768600140000000

ОАО "Белагропромбанк", г.Минск.
 Код BAPBBY2X,

УНН 500051130.

E-mail: pressa.ik@gmail.com

Тел/факс: (01595) 2-23-92

Наш адрес:
231337, Гродненская обл., г. Ивье,
ул. 1 Мая, 18

Ссылки


Ивьевский районный исполнительный комитет

 

 

Please publish modules in offcanvas position.