Энергетычная галіна сёння – гэта сучасны сектар айчыннай эканомікі, які стабільна і ўстойліва развіваецца, сістэма, якая пастаянна абнаўляе свой тэхнічны патэнцыял, карыстаецца заслужанай павагай і аўтарытэтам у партнёраў як на тэрыторыі нашага рэгіёну, так і за яго межамі.
У цяперашні час існуе мноства экалагічна чыстых новых распрацовак для энергазабеспячэння. Яны выкарыстоўваюць невычэрпныя крыніцы: энергію зямлі, вады і ветру. Дзякуючы развіццю сучасных тэхналогій, цікавасць да працы энергетыкаў расце з кожным днём яшчэ больш.
Не толькі цяпер, у самыя кароткія зімовыя дні і самыя доўгія ночы года, а і пастаянна мы адчуваем неабходнасць і важнасць як самой электрычнай і цеплавой энергіі, так і ўсіх тых людзей, якія забяспечваюць нас гэтым камфортам. Значэнне працы энергетыкаў немагчыма пераацаніць, бо менавіта людзі гэтай прафесіі заслугоўваюць асаблівай павагі, яны нясуць святло і цяпло ў дамы, бальніцы, школы, дзіцячыя садкі ці офісы, садзейнічаюць стабільнаму развіццю ўсіх галін эканомікі як нашага рэгіёну, так і рэспублікі ў цэлым.
Без надзейнай энергасістэмы не можа функцыянаваць ні адно прадпрыемства, ні адна ўстанова сацыяльнай сферы, не можа быць наладжана нармальнае жыццё чалавека ў побыце. Зычу кожнаму працаўніку энергасістэмы заставацца для маладых спецыялістаў прыкладам прафесіяналізму і высокага майстэрства.
Віншую ўсіх энергетыкаў з прафесійным святам, з надыходзячым Божым Нараджэннем і Новым годам! Дзякуй вам, паважаныя энергетыкі, за высокую свядомасць і добрасумленнае стаўленне да справы. Зычу, каб у вашых сем’ях панавалі мір, спакой і дабрабыт, новых дасягненняў, пазітыўнай і станоўчай энергетыкі, працоўных перамог на карысць нашага рэгіёну і Рэспублікі Беларусь.
Андрэй Боландзь,
начальнік Іўеўскай
раённай энергагазінспекцыі Дзяржаўнага энергетычнага
і газавага нагляду.
