Учреждение "Редакция газеты "Iўеўскі край"
 


Іўеўшчына турыстычная. Гасцей сардэчна сустракае заўсёды геранёнскі край

Приглашаем / Воскресенье, 31 октября 2021 14:00 / Просмотрено: 670

Новы даведнік для экскурсантаў, якім давядзецца заглянуць у Геранёны, выдала Алена Смалянічэнка, няўрымслівы біёграф гэтага населенага пункта са старадаўняй і такой сучаснай гісторыяй. Як былая настаўніца, краязнаўца не перастае прызнавацца Геранёнам у сваёй любові да іх. Амаль усе яе кнігі, брашуры менавіта пра родную вёску ці, як яе зараз называюць, пра аграгарадок.

Геранёны (і сучасныя, і тыя, што авеяны вятрамі мінулых стагоддзяў) заслугоўваюць увагі, цікаўнасці і жадання наведаць іх, пахадзіць па той зямлі, што была сведкай кахання еўрапейскага кшталту між удавой уладальніка Геранён Гаштольда і сына караля Польскага Сігізмунда Старога, будучага караля Польшчы Сігізмунда ІІ; пастаяць ля рэшткаў замка, што быў, мабыць, амаль што адзіным такім у Еўропе - замак-крэпасць, узведзены віленскім ваяводам і канцлерам Вялікага княства Літоўскага Альбрэхтам Гаштольдам на мяжы ХV -XVI стагоддзя; ахінуць сябе крыжам і паставіць свечку ў касцёле святога Мікалая, час збудавання якога адносіцца да 1519 года…
У брашуры пішацца пра гэтыя збудаванні, пра асаблівыя месцы, пра асаблівых людзей, якія, кожны ў свой час, пакінулі годны след на скрыжаваннях гісторыі гэтага месца.
І зараз у населеным пункце, які меў некалі Брандэнбургскае права і, адпаведна, свой герб, жывуць людзі, якія імкнуцца жыць гэтак жа шчыра, любіць сваю малую радзіму, сваю Айчыну і славіць сваёй працай і сваімі ўчынкамі Геранёны.
У брашуры ёсць цікавая інфармацыя, шмат фотаілюстрацый.
Склала даведнік, як мы ўжо казалі, Алена Смалянічэнка. Напрыканцы яго надрукаваны яе верш "Зямля крынічная, святая".
Камп'ютарную вёрстку зрабіла Ірына Грынюк. А матэрыяльнае забеспячэнне выпуска маленькай кніжыцы- даведніка "Прыязджайце ў Геранёны" зрабіў жыхар горада Ліда, выхадзец з геранёнскага краю Іван Станіслававіч Дудойць. Як цудоўна, што ёсць такія людзі, якія неабыякава адносяцца да гісторыі роднага краю і дапамагаюць яе спазнаць і іншым.
Цяжка не пагадзіцца з Аленай Іванаўнай, якая лічыць, што падобныя даведнікі маглі б выдаць у кожным аграгарадку Іўеўшчыны. Потым аддаць іх у публічныя бібліятэкі, школы, размясціць у Інтэрнэце. І гэта, безумоўна, прыцягне ўвагу людзей, якія хочуць пабачыць Беларусь і знаёмую, і незнаёмую, прыхінуцца душой і розумам да каранёў беларускасці.

Вера ГУЛІДАВА. Фота Станіслава ЗЯНКЕВІЧА.

 

Читайте ещё:



Оставить комментарий

Ваше имя
Ваше сообщение
Носите ли вы медицинскую маску в общественных местах?

Способы оплаты

Наши соцсети

PDF-рассылка

Уважаемые читатели газеты «Іўеўскі край»!

Вы можете подписаться на электронную версию нашей газеты, представленную в PDF-формате. Газета будет высылаться на указанный вами адрес электронной почты  по вторникам и пятницам накануне выхода в печать. Подписаться можно, начиная с любой даты. Будьте первыми в курсе свежих новостей Ивьевщины!

СТОИМОСТЬ ЭЛЕКТРОННОЙ ПОДПИСКИ:

– на месяц – 3 руб.;
– на три месяца – 9 руб.; 
– на шесть месяцев – 18 руб.

Подробнее

Наши контакты

р/с № BY47BAPB30152768600140000000

ОАО "Белагропромбанк", г.Минск.
 Код BAPBBY2X,

УНН 500051130.

E-mail: pressa.ik@gmail.com

Тел/факс: (01595) 2-23-92

Наш адрес:
231337, Гродненская обл., г. Ивье,
ул. 1 Мая, 18

Ссылки


Ивьевский районный исполнительный комитет

 

 

Please publish modules in offcanvas position.