Учреждение "Редакция газеты "Iўеўскі край"
 


Шлях да каранёвай культуры. Раённы семінар-практыкум прайшоў у аг. Геранёны

Культура и творчество / Суббота, 12 июня 2021 12:08 / Просмотрено: 638

Адраджэнне, захаванне і пераемнасць традыцыйнай культуры падрастаючаму пакаленню - такую мэту меў раённы семінар-практыкум "Традыцыйная культура і дзеці: праблемы этнавыхавання", які быў праведзены аддзелам метадычнай работы Іўеўскага цэнтра культуры і вольнага часу" на базе ўстаноў культуры аг.Геранёны.

У рабоце семінара-практыкуму актыўны ўдзел прынялі: Андрэй Пятрук, вядучы метадыст па промыслах аддзела традыцыйнай культуры Гродзенскага абласнога метадычнага цэнтра народнай творчасці, Ульяна Мінюк, выкладчык па класу харэаграфіі і навучэнцы харэаграфічнага аддзялення Геранёнскай дзіцячай школы мастацтваў, удзельнікі дзіцячых гурткоў па выцінанцы, ткацтве сектара рамёстваў і традыцыйнай культуры аг.Геранёны, загадчыкі і спецыялісты аддзелаў і сектараў Іўеўскага цэнтра культуры і вольнага часу.

Як адзначыла загадчык метадычнага аддзела Іўеўскага цэнтра культуры і вольнага часу Лілія Кішкель, выяўленне, аднаўленне, трансляцыя народнай культуры - шлях паступовы, сістэмны, шматузроўневы, які вядзе дзяцей і моладзь да сваёй мясцовай каранёвай культуры. Перш за ўсё, гісторыі і культуры свайго роду, затым роднага куточка - праз кантакты са старэйшым пакаленнем, уласную творчасць і пераемнасць традыцый у іх шматграннай разнастайнасці. Праз вандроўкі, экспедыцыі па зборы фальклорных матэрыялаў, праз сустрэчы з майстрамі рамёстваў фарміруецца любоў да роднага краю.

Народная мудрасць заклікае берагчы прыроду, зберагаць рукатворныя вырабы майстроў, вучыцца непасрэдна ад іх і засвойваць назапашаны імі вопыт. Усе гэтыя працэсы неабходна каардынаваць і пастаянна з гэтым працаваць на розных узроўнях.

Таму падчас семінара-практыкуму разглядаліся такія пытанні як традыцыйная культура беларусаў - аснова культурна-адукацыйнай дзейнасці ўстаноў культуры, а таксама - этнавыхаванне падрастаючага пакалення праз дзейнасць дзіцячых калектываў аматарскай творчасці. Асаблівую цікавасць у ўдзельнікаў выклікалі традыцыйныя рамёствы (вышыўка, выцінанка, саломапляценне, ткацтва), работа музейнай экспазіцыі па саломапляценні, беларускія традыцыйныя танцы побыту. Гаварылася аб народнай гульні як форме арганізацыі вольнага часу дзяцей і падлеткаў, аб ролі традыцыйнай лялькі ў этнавыхаванні дзяцей, аб адраджэнні народных святаў і абрадаў Іўеўшчыны, а таксама ішла размова аб рабоце па папулярызацыі страў традыцыйнай кухні і падрыхтоўцы матэрыялаў па наданні статусу нематэрыяльнай культурнай спадчыны "Традыцыі прыгатавання дранікаў у Гродзенскай вобласці".

Вядома, тэорыя без практыкі - мёртвая. Таму майстрамі і кіраўнікамі калектываў аматарскай творчасці з устаноў культуры аграгарадкоў Геранёны, Ліпнішкі і г.Іўе праведзены майстар-класы па традыцыйных рамёствах і народных танцах побыту. Гэта была самая насычаная частка мерапрыемства.

Удзельнікі семінара-практыкума наведалі музейную экспазіцыю па саломапляценні, выставы дзіцячай і народнай творчасці сектара рамёстваў і традыцыйнай культуры, аддзела культурна-масавай і асветніцкай работы аг.Геранёны.

Падрыхтавала
І. МІХАЙЛАВА.

Читайте ещё:



Оставить комментарий

Ваше имя
Ваше сообщение

Способы оплаты

Наши соцсети

PDF-рассылка

Уважаемые читатели газеты «Іўеўскі край»!

Вы можете подписаться на электронную версию нашей газеты, представленную в PDF-формате. Газета будет высылаться на указанный вами адрес электронной почты  по вторникам и пятницам накануне выхода в печать. Подписаться можно, начиная с любой даты. Будьте первыми в курсе свежих новостей Ивьевщины!

СТОИМОСТЬ ЭЛЕКТРОННОЙ ПОДПИСКИ:

– на месяц – 3 руб.;
– на три месяца – 9 руб.; 
– на шесть месяцев – 18 руб.

Подробнее

Наши контакты

р/с № BY47BAPB30152768600140000000

ОАО "Белагропромбанк", г.Минск.
 Код BAPBBY2X,

УНН 500051130.

E-mail: pressa.ik@gmail.com

Тел/факс: (01595) 2-23-92

Наш адрес:
231337, Гродненская обл., г. Ивье,
ул. 1 Мая, 18

Ссылки


Ивьевский районный исполнительный комитет

 

 

Please publish modules in offcanvas position.