Редакция газеты "Iўеўскі край"

Учреждение "Редакция газеты "Iўеўскі край"

Землякі, якія не вярнуліся з вайны . Працяг...

75-летие освобождения Беларуси / Среда, 08 мая 2019 13:51 / Прочитано: 154

Напярэдадні Вялікай Айчыннай дзесяткі, а магчыма, і сотні іўяўчан былі прызваныя ў Чырвоную Армію. Першы вялікі прызыў адбыўся вясной 1940 года, праз паўгода - другі, а вясной 1941 - трэці. Нашых землякоў накіроўвалі служыць у асноўным на заходнія межы Савецкага Саюза: Беласток, Гродна, Свіслач, Сапоцкін… Акрамя таго, хлопцы з Заходняй Беларусі траплялі ў Ленінградскую, Маскоўскую, Белагародскую вобласці, на Украіну, на Далёкі Усход. У пяхоту, авіяцыю, артылерыю, сувязь, інжынерныя падраздзяленні, у Ваенна-марскі флот.
Большасць з іх дамой не вярнулася. І падрабязнасцяў іх ваеннага лёсу вельмі мала. Аднак, на шчасце, у дакументах дзе-нідзе захаваліся прозвішчы, якія сёння мы можам назваць. Яшчэ раз нагадаю, што ў маім спісе - імёны нашых землякоў, якія або адсутнічаюць у кнізе "Памяць" Іўеўскага раёна, або пра якіх мне давялося адшукаць нейкую дадатковую інфармацыю.

МАЦЕЦКІ Віктар Юстынавіч. Нарадзіўся ў 1919, жыў у в. Дварчане. 23 красавіка 1940 прызваны Іўеўскім РВК. Быў накіраваны служыць ў Палтаўскую вобласць Украіны на станцыю Ераскі. Прапаў без вестак у самым пачатку вайны.

ГРЫНЮК Сігізмунд Іванавіч. Нарадзіўся ў 1912, жыў у в. Жамайтукі. 17 мая 1941 прызваны Іўеўскім РВК. Прапаў без вестак у самым пачатку вайны.

БАРЫСЕВІЧ Станіслаў Пятровіч. Нарадзіўся ў 1919, жыў у в. Жылічы. Прызваны ў лістападзе 1940. Служыў у Ленінградзе, малодшы сяржант. Прапаў без вестак у першыя месяцы вайны.

А вось яго аднавясковец БАРЫСЕВІЧ Сафрон Іванавіч стаў чырвонаармейцам у 1944, трапіў служыць у 41-ю стралковую дывізію. Быў цяжка паранены ў баі і памёр ад ран 12 красавіка 1945. Пахаваны ў в. Голіц непадалёку ад Брандэнбурга.

ШУЛЕЙКА Уладзімір Іванавіч. Нарадзіўся ў 1908, жыў у Іўі. Тут яго пачалі расшукваць сваякі адразу пасля вайны. Аднак сам Уладзімір быў прызваны 10 студзеня 1943 адным з райваенкаматаў Свярдлоўскай вобласці. Служыў у артылерыі. Прапаў без вестак 6 верасня 1943.

ЗЯНЬКО Антон Іосіфавіч (Восіпавіч). Нарадзіўся ў 1917, жыў у Іўі. Прызваны 6 чэрвеня 1941 і накіраваны ў 815-ты стралковы полк. Прапаў без вестак у самым пачатку вайны.

БРАЗОЎСКІ Уладзімір Станіслававіч. Нарадзіўся ў 1912, жыў на хутары Каменная Слабада. Прызваны ў маі 1940 Юрацішкоўскім РВК. Сувязь з ім прыпынілася з пачаткам вайны. Прапаў без вестак.

ГАЛАВАЧ Баляслаў Ксаверавіч (менавіта так падаецца імя па бацьку ў дакуменце). Нарадзіўся ў 1914, жыў у в. Камянчане. Прызваны 13 красавіка 1941 Іўеўскім РВК. Прапаў без вестак у пачатку вайны.

СУШЫНСКІ Сцяпан Бенядзіктавіч. Нарадзіўся ў 1918, жыў у в. Каўкелі. Прызваны 5 мая 1941 Іўеўскім РВК. Чырвонаармеец Сушынскі трапіў служыць у 479-ты стралковы полк. Прапаў без вестак у пачатку вайны.

ЦЫБУЛЬ Іосіф Паўлавіч. Нарадзіўся ў 1906, жыў у в. Крывічы. Прызваны 16 мая 1941 Іўеўскім РВК. Служыў у 213-м стралковым палку 56-й стралковай дывізіі. Чырвонаармеец-мінамётчык. Загінуў 13 ліпеня 1941 непадалёку ад мястэчка Сапоцкін цяперашняга Гродзенскага раёна.

УСІНОВІЧ Браніслаў Сцяпанавіч. Нарадзіўся ў 1900, жыў у в. Кудэйшы. 17 мая 1941 прызваны Іўеўскім РВК. Прапаў без вестак у самым пачатку вайны. Тут патрэбна вось якое ўдакладненне. У паперах ваеннага і пасляваеннага часу гаворыцца, што Браніслаў Усіновіч прапаў без вестак нібыта ў верасні 1944. Аднак ніякіх дадзеных пра тое, дзе і якім чынам наш зямляк служыў тры папярэднія ваенныя гады, не прыводзіцца. У спалучэнні з інфармацыяй, што салдат быў прызваны яшчэ да пачатку Вялікай Айчыннай, гэта на самай справе азначае, што вайсковец прапаў без вестак менавіта ў пачатковы перыяд вайны: у першы месяц, альбо нават у першыя тыдні. Такім чынам маскіраваліся вельмі высокія страты ў Чырвонай Арміі ў першыя дні гітлераўскага нападу.

РУТКОЎСКІ Мікалай Уладзіміравіч. Нарадзіўся ў 1919, жыў у в. Латэўка. У лістападзе 1940 прызваны Юрацішкоўскім РВК. Прапаў без вестак у самым пачатку вайны.

ГАЙГАЛОВІЧ Канстанцін Ігнатавіч. Нарадзіўся ў 1904, жыў у в. Ліпнішкі. Прызваны 14 красавіка 1941 Іўеўскім РВК. Прапаў без вестак у чэрвені 1941.

ЛАПАТА Ўладзімір Ільіч. Нарадзіўся ў 1919, жыў у в. Лугавая (Хвасты). 5 мая 1940 прызваны Іўеўскім РВК. Праходзіў службу ў Варонежскай вобласці, адтуль быў накіраваны пад Смаленск. Прапаў без вестак у 1941.
СТАНЧЫК Вікенцій Сцяпанавіч. Нарадзіўся ў 1913, жыў у в. Медзікі. 5 мая 1941 прызваны Юрацішкоўскім РВК. Служыў у Гродна. Пасля вайны знайшліся сведкі, якія бачылі, што чырвонаармеец Станчык загінуў у першыя дні пры адступленні.

ПАЗАЎЦЬ Казімір Феліксавіч. Нарадзіўся ў 1918, жыў у в. Падваранцы. У маі 1941 прызваны Іўеўскім РВК. Чырвонаармеец, палявая пошта - 34159. Прапаў без вестак у самым пачатку вайны.

АКУЛІЧ Аляксандр Іванавіч. Нарадзіўся ў 1919, жыў у в. Чапунь. У 1941 прызваны Юрацішкоўскім РВК. Чырвонаармеец. Прапаў без вестак у ліпені 1941.

ЛАПУЦЬ Іван Раманавіч. Нарадзіўся ў 1913, жыў у в. Шчучы Бор. Прызваны ў 1941 Юрацішкоўскім РВК. Прапаў без вестак у самым пачатку вайны.

МІХНЕВІЧ Браніслаў Іосіфавіч. Нарадзіўся ў 1921, жыў у в. Чаркесы. 5 мая 1941 прызваны Юрацішкоўскім РВК. Паспеў даслаць сваякам адзін ліст, які не захаваўся. Па некаторай інфармацыі, служыў непадалёку ад Гродна. Прапаў без вестак.

КОШЧЫЦ Казімір Кастанавіч. Тут, напэўна, адбылася памылка з імем па бацьку. Хутчэй, за ўсё, гаворка ідзе пра Казіміра Канстанцінавіча Кошчыца. Нарадзіўся ў 1919, жыў у в. Чэрневічы. Прызваны ў 1941. Таксама паспеў даслаць адзін ліст дадому. І на гэтым - усё, сувязь перарвалася. Прапаў без вестак.

І яшчэ тут хачу расказаць пра двух жыхароў в. Баранавічы, якія таксама не вярнуліся з вайны.
БАРАНОВІЧ Лявон (Леанід) Аляксандравіч. Нарадзіўся ў 1908. Прызваны 17 мая 1941 Юрацішкоўскім РВК. Трапіў служыць у 22-гі асобны батальён сувязі, які знаходзіўся за 7 км на захад ад Гродна. Батальён у самым пачатку вайны трапіў у акружэнне. У адной з сутычак з ворагам чырвонаармеец Барановіч загінуў.
Яго зямляк ЧУПРОЎСКІ С. Ф. (у дакуменце - толькі ініцыялы, без расшыфроўкі) нарадзіўся ў 1919. Прызваны Юрацішкоўскім РВК і трапіў у 168-ю стралковую дывізію (цікавае супадзенне; а вось байцы і камандзіры 168-га стралковага палка 24-й стралковай дывізіі мужна змагаліся на іўеўскай зямлі ў чэрвені 1941), якая размяшчалася пад Ленінградам. Там і прапаў без вестак у 1941.

Пра нашых землякоў, якія пайшлі служыць у Чырвоную Армію ў 1940-41 гг. i не вярнуліся з вайны, на жаль, дадзеных вельмі нямнога. Але пошук не заканчваецца, і я вельмі спадзяюся адшукаць нейкія падрабязнасці іх нялёгкага ваеннага шляху.

Ю. КАМЯГІН.
На здымках:
копіі дакументаў,
якія датычацца
нашых землякоў.

Оставить комментарий

Cannot get Minsk location id in module mod_sp_weather. Please also make sure that you have inserted city name.

  • Популярное
  • Коммент.

Способы оплаты

Наши соцсети

PDF-рассылка

Уважаемые читатели газеты «Іўеўскі край»!

Вы можете подписаться на электронную версию нашей газеты, представленную в PDF-формате. Газета будет высылаться на указанный вами адрес электронной почты  по вторникам и пятницам накануне выхода в печать. Подписаться можно, начиная с любой даты. Будьте первыми в курсе свежих новостей Ивьевщины!

СТОИМОСТЬ ЭЛЕКТРОННОЙ ПОДПИСКИ:

– на месяц – 2 руб.;
– на три месяца – 6 руб.; 
– на шесть месяцев – 12 руб.

Подробнее

Наши контакты

р/с № BY47BAPB30152768600140000000

в РКЦ № 14 в. г. Ивье филиала
ОАО "Белагропромбанк" -
Гродненское областное управление,
расположенном по адресу:
231337, г. Ивье, ул. 50 лет Октября,
21а, код BAPBBY2X,

УНН 500051130.

E-mail: pressa.ik@gmail.com

Тел/факс: (01595) 2-23-92

Наш адрес:
231337, Гродненская обл., г. Ивье,
ул. 1 Мая, 18

Ссылки


Ивьевский районный исполнительный комитет

 

 

Please publish modules in offcanvas position.