Учреждение "Редакция газеты "Iўеўскі край"



Я шчаслівы, што ў суджаны час нарадзіўся на гэтай зямлі…

Год малой родины / Среда, 18 июля 2018 15:46 / Прочитано: 12189

Словы гэтыя можа сказаць кожны пра той куточак, дзе з'явіўся на свет, дзе спявала калыханкі маці, дзе ранкам пахла ў хаце блінамі, смажаным мясам і салам, дзе пах улетку на двары язьмін, а восенню напаўнялі ўсё наўкол сваім непаўторным водарам рознакаляровыя флоксы, дзе ў ліпені і жніўні ўпрыгожваліся двары і падворкі рознакаляровымі градамі, адкуль блішчэлі сваімі жоўтымі вачыма ўкропы, чырванелі памідоры, пачыналі набіраць памеры жоўтабокія гарбузы…
Як шмат агульнага ў беларускіх вяскоўцаў і жыхароў пасёлкаў і маленькіх гарадоў! Як грэюць кожнага з нас успаміны пра дзяцінства, пра сваю вёску, малую радзіму, якая сёлета на некалькі год стала цэнтрам увагі Рэспублікі Беларусь - Год малой радзімы вырашана прадоўжыць. І гэта цудоўна! Як шмат мы ведаем, як шмат яшчэ даведаемся пра гісторыю і сучаснасць малой радзімы, пра яе людзей, колькі новых творчых спраў і праектаў будзе ёй прысвечана! І ўжо прысвячаецца. А святы вёсак, вуліц пасёлкаў, гарадоў - гэта менавіта гімн малой радзіме.

Гучаў гэты гімн у мінулую нядзелю на ўсе Юрацішкі. У гарадскім парку, сярод магутных векавых дрэваў размясцілася пляцоўка рэгіянальнага свята. Месца хапіла і эксклюзіўнай сцэне, і гандлёвым радам, дзе, як і заўжды, цацкі, паветраныя шарыкі, іншыя радасці для дзетвары, розныя прысмакі накшталт цукерак, варанай кукурузы, пап-корна і іншае.
Звінела свята галасамі шчаслівых хлопчыкаў і дзяўчынак, якія ляталі з надзьмутых горак, каталіся на дзіцячых аўтамабілях, на каруселі - працаваў гарадок атракцыёнаў.
Гандаль спажывецкай кааперацыі раёна таксама прапанаваў удзельнікам свята свае прадуктовыя тавары. Пахла ў паветры рыбнай юшкай, казытаў насы водар смачнага дыму - рыхтавалі і прадавалі шашлыкі… Карацей кажучы, калі дадаць да ўсяго сказанага яшчэ і тое, што ў парку сабралася шмат люду, то вымалёўваецца карціна ўсяго свята.
А ўжо зусім сапраўдным рабілі яго культработнікі мясцовай установы культуры - сплаў творчасці і таленту, самаадданасці і крэатыву - на чале з загадчыцай аддзела культурна-масавай і асветніцкай работы гарадскога пасёлка Юрацішкі Аленай Гурынай. Яны тут асаблівыя, вядомыя сваёй творчасцю на ўвесь раён. Ды і за яго межамі. Не здае пазіцый былы раённы цэнтр. Безумоўна, грамадскае жыццё не так кіпіць, як раней, аднак многія структуры трымаюцца на патрэбным узроўні, як то: установа культуры, бальніца, школа, прамысловы ўчастак Іўеўскага лясгаса і г.д.
…Урачыстасць распачаў гаспадар рэгіёна - старшыня Юрацішкаўскага сельскага выканаўчага камітэта Сяргей Кірылавіч Казановіч. Ён вітаў землякоў, дзякаваў за жыццё і працу. І, між іншым, адзначыў, што нават на раённым узроўні вырашана, што на фестывалі - ярмарцы "Дажынкі-2018" сваёй, па-сучаснаму кажучы, фішкай Юрацішкі выставяць людзей - знакамітых землякоў, выпускнікоў мясцовай школы, якія праслаўлялі Радзіму далёка за яе межамі і побач. І пачаў называць Сяргей Кірылавіч пасады і дасягненні, а людзі працягвалі яго выступленне, вымаўляючы імёны і прозвішчы. Дыпламат, перакладчык Генеральнага сакратара ЦК КПСС М. ХРУШЧОВА падчас яго візіта на Кубу ў 1961 годзе, надзвычайны і паўнамоцны пасол СССР Эдуард Іосіфавіч Баршчэўскі, першаадкрывальнік радовішча алмазаў у Еўропе (радовішча ў Архангельскай вобласці) Іван Паўлавіч Дабейка, генерал -маёр Вячаслаў Феафанавіч Журко, урач, навуковец Віктар Юльянавіч Клінцавіч, вядомы краязнаўца, настаўнік Валянцін Антонавіч Врублеўскі, паэт Яўген Вікенцьевіч Карпуць, мастак Іван Дзямідавіч Кліменка і многія іншыя- рабочыя і калгаснікі, навукоўцы, настаўнікі, медыцынскія працаўнікі…
Гэта слава пасёлка, яго гонар. А яшчэ ёсць штодзённае жыццё. І яго забяспечваюць людзі, чые імёны і прозвішчы не запісаны, няхай, у аналы славы, аднак без іх было б нялёгка і працаваць, і адпачываць, і жыць. Гісторыю пасёлка расказала прысутным бібліятэкар гарадской бібліятэкі Людміла Іосіфаўна Бяляўская.
Як і на іншых святах населеных пунктаў раёна, цэлы блок святочнага сцэнарыя быў прысвечаны галоўнаму святу беларускай дзяржаўнасці - Дню незалежнасці Рэспублікі Беларусь і 73-гадавіне вызвалення Беларусі ад нямецка-фашысцкіх захопнікаў, якое ў гэтым месяцы шырока адзначыла наша краіна. Словы болю і памяці, смутку аб кожным трэцім беларусе, якога не далічыла Айчына пасля вайны, аб памяці народнай, аб удзячнасці за той вялікі бой прагучалі на свяце. Дзяўчаты ў нацыянальных касцюмах аднеслі кветкі ў цэнтр пасёлка да помніка воінам Вялікай Айчыннай вайны.

"Павагі і прызнання дастойны тыя, у чыіх далонях узышоў і набраў сілы дзень сённяшні" - такімі прыгожымі словамі вядучыя свята распачалі расказ пра самых сталых жыхароў пасёлка. І, ведаеце, іх тут нямала. У Юрацішках жывуць: стогадовая Аляксандра Яфімаўна Лявінская, 95-гадовыя Ганна Антонаўна Міскауз, Дзіна Фёдараўна Аляксандрава (дата нараджэння ў верасні), 93-гадовыя Вікторыя Ізыдораўна Цыдзік і Валянціна Васільеўна Дабраловіч, 92-гадовыя Уладзіслава Іосіфаўна Даўляшэвіч і Міхаіл Цімафеевіч Іода, 90-гадовыя Антаніна Іосіфаўна Длужнеўская, Гераніма Матвееўна Кузьміцкая, Віктар Астахавіч Філонаў.
Шанавалі свята і шматдзетныя сем'і: па пяцёра дзетак у Таццяны і Івана Лобачаў і Аляксандра і Людмілы Кулеш.
Назвалі вядучыя і сем прозвішчаў самых маленькіх жыхароў Юрацішак.
…Сёлета мясцовую школу закончылі 27 выпускнікоў. І дырэктар Юрацішкаўскага ясляў-сада-сярэдняй школы Вольга Эдвардаўна Часноўская зычыла ім добрага жыццёвага шляху, гаварыла пра тое, што школа памятае сваіх выпускнікоў, ганарыцца імі. А сёлета гонар асаблівы - выпускнік гэтага года, залаты медаліст Аляксей Пуцік здаў тэсціраванне па беларускай мове на 100 балаў. Дырэктар установы адукацыі ўручыла Аляксею і яго настаўніцы, настаўніку-метадысту Ноне Уладзіміраўне Сілюк памятныя сувеніры, сказала словы падзякі і пашаны.
На такіх святах, як на сямейных урачыстасцях, успомняць усё, чым можна ганарыцца, чым хата багата. Таму з задавальненнем назвалі тут прозвішчы юнакоў, якія зараз выконваюць свой пачэсны грамадзянскі абавязак - служаць тэрміновую службу ва Узброеных Сілах Рэспублікі Беларусь - Андрэй Барысевіч, Яўген Авіжыч, Аляксандр Прозараў, Максім Каранік. Мікалай Клінцавіч з'яўляецца курсантам Ваеннай акадэміі Рэспублікі Беларусь, а Сяргей Мінаеў - курсант Беларускай дзяржаўнай акадэміі авіяцыі.
Старшыня Юрацішкаўскага сельвыканкама Сяргей Кірылавіч Казановіч адзначыў прадпрыемствы і арганізацыі, якія дзейнічаюць на тэрыторыі пасёлка і сваім супрацоўніцтвам з выканаўчай уладай дапамагаюць пасёлку ў вырашэнні шматлікіх праблем. Прадстаўнікі таварыстваў з абмежаванай адказнасцю "ІВЮ" і "Дельта Коммерс" уручылі памятныя сувеніры сваім лепшым працаўнікам Уладзіміру Уладзіміравічу Галабурда і Алене Паўлаўне Бароўскай.
Ну як жа на свяце не адзначыць лепшыя падворкі (самыя дагледжаныя, самыя прыгожыя) і іх гаспадароў?! Ушаноўвала свята лепшых гаспадароў, якімі сёлета прызнаны Іван Міхайлавіч і Рэгіна Іосіфаўна Мінгіновічы, Валянцін Іванавіч і Галіна Яўгенаўна Гурыны, Уладзімір Станіслававіч і Таццяна Яўгенаўна Пляхіны, Вольга Эдвардаўна Часноўская, Жана Яўгенаўна Гіруць, Іван Часлававіч і Таццяна Міхайлаўна Бальцэвічы, Аляксандр Яўгенавіч і Тарэза Казіміраўна Смагуры.
Колькі цудоўных песен прысвечана было Юрацішкам - малой радзіме добрасумленных, працавітых, шчырых людзей і гэтым людзям: і старым, і малым.
…Ужо ліпеньскі вечар ахутаў пасёлак цемрай, а свята працягвалася. Хтосьці танцаваў у старым парку, хтосьці спаборнічаў у розных відах спорту, а іншыя проста радаваліся, што выйшлі з хаты, сустрэліся са знаёмымі, паслухалі добрую музыку, парадаваліся жыццю. Свята, між іншым, на тое і існуе.
Хочацца дадаць словы падзякі старшыні сельвыканкама індывідуальнаму прадпрымальніку, кіраўніку "Альтэра-торг" Але Захараўне Андрыенка за матэрыяльную дапамогу ў арганізацыі свята.

В. ГУЛІДАВА.
Фота С. ЗЯНКЕВІЧА.

Читайте ещё:



Оставить комментарий

Ваше имя
Ваше сообщение
Считаете ли Вы, движение студенческих отрядов популярным?
Какой профиль студенческих отрядов Вы считаете самым популярным?
Выберите на свой взгляд плюсы студенческих отрядов, из предложенных

Способы оплаты

Наши соцсети

PDF-рассылка

Уважаемые читатели газеты «Іўеўскі край»!

Вы можете подписаться на электронную версию нашей газеты, представленную в PDF-формате. Газета будет высылаться на указанный вами адрес электронной почты  по вторникам и пятницам накануне выхода в печать. Подписаться можно, начиная с любой даты. Будьте первыми в курсе свежих новостей Ивьевщины!

СТОИМОСТЬ ЭЛЕКТРОННОЙ ПОДПИСКИ:

– на месяц – 2 руб.;
– на три месяца – 6 руб.; 
– на шесть месяцев – 12 руб.

Подробнее

Наши контакты

р/с № BY47BAPB30152768600140000000

ОАО "Белагропромбанк", г.Минск.
 Код BAPBBY2X,

УНН 500051130.

E-mail: pressa.ik@gmail.com

Тел/факс: (01595) 2-23-92

Наш адрес:
231337, Гродненская обл., г. Ивье,
ул. 1 Мая, 18

Ссылки


Ивьевский районный исполнительный комитет

 

 

Please publish modules in offcanvas position.